陳曉東（東東）日前接受電台節目《茶煲裏的查篤撑》的錄音訪問，與主持人暢談事業與感情。東東向來予人的感覺都十分硬朗，但想不到他都有軟弱的一面，東東說：「我唔開心嘅時候都會匿埋喊㗎，就好似外面有個盔甲保護自己，當返到屋企除咗個盔甲之後，諗諗吓就會喊出嚟。」
問到東東有沒有做過越軌行為時，他說：「有時都會做啲無傷大雅嘅行為嘅，記得以前激嬲咗我嘅初戀情人，我試過扮猩猩爬入去佢屋企𠱁佢。」
另外被問到最近有沒有與前女友張栢芝聯絡時，東東說：「𠵱家比較少啲，都冇乜所謂，如果大家諗到有乜嘢事想打畀對方就隨時打啦。」近日栢芝消瘦了不少，不知東東有否叫她保重身體呢？東東笑說：「我一早就已經叫佢啦，其實佢已經瘦咗好耐，佢都係貪靚啫。」