南韓將意大利擯出局為亞洲足球帶出一新啟示，平時喺電視見到嘅世界球星已經唔單止只可以崇拜，重可以喺球場上一舉將他們打敗！
長久以來，歐洲足球一直係世界足球主導，尤其作為足球第三世界嘅非洲同亞洲，好多人都係睇電視認識何為高水平足球比賽，亦為歐洲及南美球員出色球技而着迷；不過，今時今日嘅足球世界已產生變化，原來亞洲足球可以同世界頂級球隊抗衡，擊敗他們亦已不再是夢想。
問題在於亞洲足球國家有無決心訂下長遠目標、有冇社會支持去發展，以及人民有冇對成功存在冀望。
發展足球運動，同球賽一樣，唔到最後一刻都唔知邊隊係勝利者，好似意大利般，消極地希望保住領先優勢至完場，最後只會招致失敗。
噚晚不論中、大學生、警察、家庭主婦及長者，都因為球隊勝利上街慶祝，情況比起四年前法國攞世界冠軍嘅巴黎市面墟冚情況有過之而無不及；有時都唔係好明白，亞洲國家對足球運動狂熱程度點解可以去到呢個接近全民投入地步，認真厲害！