外間成日將老董同澳門特首何厚鏵比較，通常都係老董差少少，但白鴿黨陳偉業就話二人差好多。原來上次世界盃熱身賽中葡大戰，陳偉業、馬丁李、鄭家富齊齊過澳門觀戰，而何厚鏵就相約佢哋食消夜，齊齊談心。於是乎大嚿對鏵哥讚不絕口，話佢分析力高，掌握問題有分寸，而且重好識做，得知大家生日相差十日，何厚鏵即刻叫佢「業哥」，唔怪得之冧晒啦！
無他嘅，大嚿猛話老董咁耐都無請佢食飯傾偈，無互相了解機會，感情梗係差一大截。
陳偉業昨日重將一批老友送嚟嘅世界盃紀念「杯」次貨轉贈記者，都算夠老友。
張志華攝
傳真︰2623-9278
電郵︰