星期五有二十幾個人好緊張，除咗世界盃兩支對賽勁旅二十二個球員，重有阿董連埋三司、十一個部長，加埋五個行會成員，新特首辦主任及中央政策組首席顧問，又係二十二個人。到底大家想睇英格蘭同巴西嗰二十二人，定係特區新班子二十二人？
霍震霆就毫不猶豫：梗係睇波緊要啲。事關佢噚日評論部長制時，一臉認真咁講，第一要等周五公布名單，第二要阿董唔好喺踢緊波時公布名單，成班記者即刻舉腳贊成。可能好睇波嘅人都幽默啲，小霍被問呢幾日有冇見過傳聞中會掌管埋體育政策嘅民政局局長人選何志平，佢即刻除低眼鏡捽下眼，自言自語：「我隻眼有事咩？」（何志平係眼科醫生）。
傳真︰2623-9278
電郵︰