最近有外國傳媒報道，話法國雷諾車廠為迎擊標緻快將推出嘅307CC開篷車，正落力研製新款Megane開篷車；新車不但備有圓渾富活力感嘅造型外，電摺硬頂設計更係賣點所在。
從預想圖中可以睇到，新車嘅造型極富年輕活力感，除圓渾嘅車身線條，最能將呢個特點展露出來外，電摺硬頂設計用落重好方便㖭；至於車廂方面，則未有呢方面嘅詳細資料，但一般相信其布局，將與其他同級對手一樣來得極富跑味，而車上更會備有多項安全設備，以保障乘客安全。該消息又指出，入門版將起用一台2.0公升偈（馬力172匹），頂級版將會起用一台馬力達230匹嘅Turbo引擎。據聞新車將於今年底面世，各位車迷不妨拭目以待喇。