近期，亞Mark身邊有唔少朋友經常問到，平治部Smart何時會正式登陸香港呢？查實代理早已萬事俱備，惟近排佢哋多款新車系同Facelifted版新車抵港，相比之下部Smart就變得無咁重要喇！正如早前響香港搞咗個大型預展嘅全新E-Class咁，右軚版新車經已陸續分批抵港喇！為要吸引車迷嘅注目，以及畀個下馬威班水貨車商，代理會響下個星期三、四兩天，又會響香港搞個大型嘅E-ClassGroupTest，畀班本地嘅汽車傳媒，一次過測試幾款唔同級別嘅新車咁話。大家咪以為好過癮呀！響兩、三個鐘入面，既要試車、又要班傳媒影相介紹，響炎炎夏日下工作，你都咪話唔辛苦呀！之不過近年唔止車行，就連傳媒行內亦見競爭激烈，加上係GroupTest嘅緣故，相信屆時又邊會有傳媒人敢唔出席呢！