本年度二十位候選港姐前日到獅子星號取景拍攝，昨日7號余詩韻和13號蔡潔雯穿上健康舞衣，手臂明顯較前纖瘦，但其背部依然「肉厚」，尤其仍需努力收臀部。
無綫「2002年度香港小姐競選」二十位候選佳麗，前日登上麗星郵輪獅子星號取景拍攝。她們前日先在船上聚會，暢談參選感受，昨早則移師健身室取景拍攝。
其中7號余詩韻和13號蔡潔雯初會傳媒時，身形略胖，曾被冠以「豬扒」稱號，但昨日二人穿上健康舞衣時，7號余詩韻明顯已收身，清減不少，她說：「因為每日都有抽時間去做纖體，同埋戒食澱粉質，兩個星期內已經由原本一百一十八磅減到一百一十四磅，而理想體重就係一百一十磅。」
而13號蔡潔雯的瘦身效果雖然未見顯著，但她對腰部較前纖幼已感滿意，蔡潔雯說：「我反而少去做纖體，因為之前嚟月經，唔可以去，但之後會勤力啲，但我對條腰嘅進度最滿意，不過冇正式度過。」
至於有消息指港姐會取消去關島拍攝外景，對此大熱門19號左慧琪說：「唔會失望，喺香港都幾好。」而港姐大會形象監督陳惠英則表示仍未收到通知，她說：「每個港姐準備咗七套泳衣，拍七日關島外景，每日一套，循序漸進，第一日一件頭，最後一日就着比堅尼，如果真係取消就嘥晒，因為今年啲女仔有嘢睇，度身時就知，有三分一係CCup。」
採訪：卓寶花
攝影：陳偉權