世界盃係全球盛事,連我Apple姐都推晒啲朋友嘅約會睇波。而演藝界中鍾意踢波嘅人除咗有明星足球隊外,估唔到連何超儀(左)男友陳子聰(右)都好此道。 守龍門穩陣 我Apple姐個friend八畀我聽,話佢個仔早排去大角嘴球場睇波,其中一隊有份比賽嘅球員,就包括咗LMF嘅成員同埋陳子聰。當日何超儀重同埋兩個似係竹升妹嘅女仔,喺場邊做啦啦隊打氣。 陳子聰嗰日負責守龍門,聽講阿陳子聰守龍門守得唔錯𠻹。