「呢排我對腳風濕痛得好犀利，加上有血壓高，試過幾次頭暈跌倒，令對腳更加痛。𠵱家收到咁多捐款，我就可以去政府醫院睇醫生，唔使靠喺山邊執草藥敷腳止痛。多謝大家！」鄒記老伯接過合共四千零三十元的讀者捐款時表示。
七十歲的鄒伯，妻子早年病歿，遺下他含辛茹苦養大兩名子女。奈何近年經濟不景，鄒伯的長子從事地盤工作經常「手停口停」，女兒則因丈夫嗜賭，帶着三名在學子女生活艱難，致令鄒伯無所依靠，早前一度面臨三餐不繼，境況堪憐。
蘋果日報慈善基金繼早前撥款五千元予鄒伯解困後，近日將讀者捐款全數交他簽收。白髮蒼蒼的鄒伯感激地說：「真係好多謝每一位善長，喺我困難嘅時候咁幫忙，我會珍惜每一蚊捐款，除咗用嚟睇風濕病外，每日會買多幾個生果食，健康又有益。」
鄒伯並稱：「我已經幾十歲，𠵱家唯一心願係個仔有工做，一家人經濟無咁手緊就安樂囉。」在區議員辦事處的幹事協助下，鄒伯近日已經向社會福利署申請綜援，有待當局批核，以解決其長遠生活需要。
捐款編號：C0525
暖流熱線
電話：29908688
傳真：23702192
電郵：
網址：