話說華航空難，令原先已經一波多折的台港航權談判又再拖延，近日台灣傳媒鬧得熱烘烘，爆料話香港官員趁端陽佳節飛去台灣，作第三回合的談判；但話口未完，台灣陸委會又否認。
不過八方收到消息，其實今次台港航權傾咁耐都傾唔妥，都係因為國泰扭計；無辦法啦，你要國泰將台港航線分一杯羹畀港龍，咁國泰當然想喺其他地方航線上有番多少着數，好似香港飛上海、北京咁啦。不過想還想，政府內部有人覺得，中港航權同台港航權係兩回事，都唔係咁易傾得掂。
拖完一次又一次，八方老友話北京已經唔多滿意，覺得經濟局長李淑儀冇理由搞唔掂國泰。咁就真係好難講嘞，問責局長就快出台，咁大件事一於容後處理啦！
（圖）經濟局局長李淑儀為台港航權好傷腦筋。
傳真︰2623-9278
電郵︰