我Apple姐對於明星效應呢回事,絕對係深信不疑嘅,啲明星着乜嘢衫,戴乜嘢牌子嘅表,真係可以變成潮流,不過估唔到連名人都可以促銷商品喎。 形象富貴 我姐早前經過尖沙嘴漢口道一間專做遊客生意嘅店舖,主要係賣啲絲巾同飾物嘅,而喺門口就貼咗張剪報,係賭王何鴻燊四姨太梁安琪戴住條絲巾嘅相。 當然梁安琪咁富貴,佢戴嗰條絲巾睇怕唔係Hermes就係Chanel,點都唔會係嗰間專做遊客生意嘅舖頭賣嗰啲貨色,但係四姨太呢個富貴造型就變咗人哋間舖嘅生招牌喇!