得閒無事到蘋果網站望望，是Mac友的良好習慣。:)
近日蘋果網站增加了一個新Tab叫「Switch」，這個「Switch」不是開關，是「轉軚」的意思，是勸PC友轉軚的廣告網頁。正如頁內的其中一句用家心聲：「UsingmyPCwaslikebeingstuckinabadrelationship.」，我就想起身邊不少朋友都上演過在PC面前大發脾氣的一幕，這些朋友平時都和藹可親，卻很容易就在PC前獸性盡表現。有時我介紹Mac給他們，九成九都耍手兼擰頭，偏偏又沒用過。這個Switch網頁便正好適合他們看。
Switch內首先會話你知，點解要「轉軚」，提供你十個「轉軚」理由。然後為你解答十個最常見的「轉軚」問題，譬如「我重有冇Office用？」之類。上次的ThinkDifferent口號，動員了大堆名人如聖雄甘地、希治閣、愛因斯坦等作海報宣傳，今次就轉玩平實故事真人Show，請來用戶現身說法，分享吓「轉軚」故事，講吓點解會由PC轉到Mac，首批八個用戶已經拍成電視廣告片放在網上（唔知會否有第二批）。
嫌唔夠，跟住重有一堆RealStory可以慢慢睇，十人十色，真係個個人用Mac的原因都好唔同，譬如有人係因為有Unix又有靚靚Desktop，有人只不過是玩了幾分鐘便迷上Macintosh，甚至有一家三口的IBM僱員為了ProductDesign而「轉軚」。
頁內當然少不了還會教你點「轉軚」及去邊買Mac。其實，香港蘋果會否照辦煮碗，也拍幾條香港本地用戶的小故事呢？香港蘋果，考慮一下吧。
文：麥朗