「假如兩年後我決定唔做，就會叠埋心水退休囉！但假如兩年後我決定繼續做，就要睇公司重要唔要我，要嘅話，就唔退休住囉……」這番說話反映出現時仍有兩年合約在身的本港保險界傳奇人物、盈科保險（065）副主席兼行政總裁楊梵城是一個隨遇而安的人。
現年已60歲的楊梵城，16歲已開始其保險營銷生涯。他第一單生意只是1萬元的人壽保單，到83年「金盆洗手」前最後一份保單的保額高達390萬元。94年他加盟鵬利保險（現改名盈科保險），以其豐富經驗令公司在短時間內站穩陣腳。
在保險業打滾了44年的楊梵城不諱言，兩年後與盈保約滿，並不排除會在法定退休年齡前「退下來」，不過，現時仍未能講得太實，一切要視乎自己兩年後的情況及公司的取向。
那麼，還會不會再憑其豐富經驗再次建立另一個保險集團？「咁嘅歲數，唔通重去另起爐灶咩，唔會啦……就算再搵多啲我都係空手而回，（錢）都帶唔去嘅……重博?為乜?」楊梵城表示，雖然目前並未有認真想過退休後會做甚麼，但可以肯定的是，「孫仔」將會佔去退休生活不少時間，他也有可能會去傳道。
既然，有機會於兩年後離開盈保，有沒有考慮過接班人問題？「我都諗咗好耐，嚴格來說係8年前已開始着手處理接班人問題……咁嘅人選唔係咁易搵囉！……好人才是可遇不可求的！」楊梵城說。
楊梵城表示，用了這麼多時間還未找到，主要是理想接班人除了認識保險外，與營銷部亦一定要合作得來，不過至今，還未有一個「候選人」能百分百令他滿意。
「我自己都好希望能為公司訓練一個接班人，因為自己都有唔少盈保股份，若能成功訓練一個好的接班人，就能keep住盈保不斷賺錢，咁我啲股票先至值錢！」楊梵城笑言：「不過，假如董事局重要我嘅話，我會一直做到找到合適接班人才會退下來，斷不會拍拍手就咁走咗去。」