大熱天時到沙灘碧波暢泳，當然唔少得一身時款性感嘅泳衣，不過緊貼潮流嘅你亦唔會忽略下身嘅配搭，今季市面就推出咗唔少得意又搶眼嘅沙灘拖，賣點是色彩鮮豔嘅圖案，款式選擇夠晒多，任你點襯都肯定咁搶眼。
記者：許穗齡
攝影：伍慶泉
呢款沙灘拖以美式漫畫為圖案，顏色配襯搶眼，想知漫畫內容？喺沙灘曬太陽時慢慢研究啦！
尺碼：S-L
售價：$49（TheGadget）
呢對織席面配膠底的沙攤拖，着上腳比一般膠製沙灘拖清涼，再以紅白花花嘅軟膠包邊作襯托，紅紅烈日下漫步沙灘都一樣咁爽快。
尺碼：5-9
售價：$200（QUIKSILVER）
呢對火燄沙灘拖，以黑色軟膠製造，印有橙紅色的火燄，即時感受到夏日嘅高溫。
尺碼：5-9
售價：$59（TheGadget）
睇完電影《蜘蛛俠》，不少人都對蜘蛛稍有改觀，而印有蜘蛛圖案的產品都會大受歡迎。膠製人字拖以紅色為底色，印上一個大蜘蛛網，再加上大大小小的黑色蜘蛛，效果非常搶眼，相信女士們見到都唔會嚇親。
尺碼：S-L
售價：$49（TheGadget）
棒棒糖屬小朋友至愛零食之一，除咗香甜好味之外，外形都非常討好，呢款沙灘拖就以人見人愛嘅棒棒糖為圖案。膠製人字拖以粉紅色及黃色為主，以仿珍寶珠嘅招紙及棒棒糖為圖案，非常可愛。
尺碼：S-L
售價：$49（TheGadget）
女士們始終比較貪靚，去到沙灘除咗曬太陽，亦係曬靚靚泳衣嘅好時機，着上搶眼迷人嘅三點式，最好就襯埋一對大方得體嘅沙灘拖，呢款高貴耀眼嘅沙灘拖，人字帶位以紫色皮製，更釘上閃令令嘅珠片，必然為你增添不少注意力。
尺碼：5-9
售價：$200（QUIKSILVER）
唔鍾意誇張裝扮的人士，呢款ROXY出品嘅人字拖，就係一個不錯的選擇。拖鞋印滿ROXY的英文字樣，字款可愛，再襯上淺藍色的人字帶，感覺幾清新，隨鞋重有一個小布袋，用嚟放鞋或雜物一樣咁方便。
尺碼：5-9
售價：$160（QUIKSILVER）
今個夏天圓點圖案大熱，想襯番身上的圓點T-Shirt或泳衣，不妨考慮呢對印滿七彩豆豆圖案的沙灘拖。膠製人字拖以白色為底，印有如朱古力豆的圓形圖案，並以紅、黃、藍及綠等搶眼顏色互相配襯，絕對係青春活力一族之選。
尺碼：S-L
售價：$49（TheGadget）
店舖資料
QUIKSILVER（28366073）
銅鑼灣白沙道10號2樓
TheGadget（23779866）
尖沙嘴海港城2214號舖