上個周末，萬事得香港代理安排一眾傳媒，遠赴濠江測試即將抵港嘅全新右軚Mazda6之後，亞Mark剛收到消息，話嚟緊呢個周末周日，代理鐵定響尖沙嘴某大商場，給呢款入替626嘅全新車系，舉行首個大型車展㖭！睇嚟代理早已部署好一切，亦對呢款新車系好有期望呢！據知，除早已曝光嘅四門轎車版Mazda6，分有標準同豪華版本，跟香港車迷見面之外，另一款有跑車化裝飾嘅五門掀背Mazda6Atenza耏型號，亦會趕及空運抵港㗎！全線車款均以一台2.0公升直4DOHC偈，匹配4前速自動波箱作配搭，而裝備亦見好齊全噃！至於車價方面，雖然代理早前高調話要20萬上落，之不過亞Mark聽聞新車定位會係17萬起；呢部被認定有歐洲車操控性嘅新車款，相信又會吸引到唔少車迷追捧喇！