梅小惠、馬蹄露和洪天明等昨日在無綫電視城拍攝《皆大歡喜》，梅小惠對於日前跟港姐舉行辯論比賽時，被qd佳麗蔡潔雯窒到無聲出一事自辯。
梅小惠說：「報道出咗之後，有好多朋友寸我，話我唔夠個港姐口才好，問我係唔係讓佢哋，話我其實用半邊嘴都講贏佢，咁其實我又真係有留力，我都係出咗唔夠半成功力。」
問梅小惠為何要留力？她說：「我都選過健美小姐，知道選美時係好驚，所以咪留力囉，畀佢哋攞多啲信心，唔去到咁盡囉！當日同班港姐比賽之後，我都同佢哋做心理輔導，叫佢哋唔好咁睇重輸贏，其實輸咗都唔係咁大件事，好似我咁，當年健美小姐輸咗，𠵱家我咪幾好。」
採訪、攝影：楊潔雯