端午節雖然過去，睇龍舟仍有機會，因為國際龍舟大賽會喺今個禮拜六、日舉行，來自海內外及港澳共百二支龍舟隊，將會喺灣仔海面爭奪十二項錦標，大會更在賽道旁添馬艦空地搞嘉年華會，大家想去睇就記得今日去民政處攞免費飛，先到先得。
香港搞國際龍舟賽已有二十六年歷史；七六年第一屆，八方記得喺筲箕灣舉行，當年得一支日本隊嚟比賽，其餘都係本地漁民隊伍；後來愈搞愈有規模，七八年起改喺尖東比賽，一直搞咗十八年，才因尖東海旁有工程移師沙田，今年又改番去維港作賽，方便好多。
（圖）配合回歸五周年增設「特首盃」。
傳真︰2623-9278
電郵︰