張栢芝和劉德華昨日為好友李克勤的音樂特輯做嘉賓。栢芝為免曬黑肌膚，全程躲在樹陰下乘涼，認真貪靚！
張栢芝和劉德華（華仔）昨日在炎熱的天氣下，為好友李克勤的音樂特輯《法網伊人外傳》在石澳和赤柱等地拍攝外景。這個音樂特輯將於下月二十日在無綫播映。
栢芝為避免把皮膚曬黑，她昨日趁不用埋位時，躲在樹陰下乘涼，看來女孩子都是喜歡保持美白膚色。
而克勤表示，這個音樂特輯得到不少老友義助，問他會怎樣報答眾人。克勤說：「大家咁老友心照啦，都唔使點報答嘅。」不過據知克勤近日雖忙為無綫主持世界盃節目，但他也抽空為栢芝的新碟做製作。克勤笑言：「我工作雖然好攰，但聽到栢芝嘅歌聲都好興奮，呢次大家首次合作都好有新意。我本來重寫咗首歌畀栢芝，但係趕唔切今次出，或者留畀佢下隻碟用。」
另外，華仔早前為無綫的慈善騷演出，弄傷臉頰，近日出席公開場合還見他的臉上留下明顯疤痕，本來在這個階段，華仔並不宜出鏡，但華仔則堅持為老友演出。
問克勤到底華仔在音樂特輯中做甚麼角色，克勤說：「佢做個獨沽一味鍾意食叉燒飯嘅人，我為咗改變佢嘅習慣，就不停搶佢啲叉燒飯食，結果食嗰陣時NG咗四次，我𠵱家見到叉燒飯都想嘔。」