法國蝸牛可能好多人都聽過,但叫佢食的話又可能覺得好恐怖,其實做法國蝸牛用嘅材料都係特別養嚟食用,所以其實一啲都唔可怕。呢隻急凍嘅法式香草蝸牛係將香草牛油混合好釀埋入個殼,買返屋企加薯茸墊底就可以焗,一盒有十二隻,買一盒就可以全家人都試到呢種傳統法式美食點好味。
$60/盒吉之島有售
龍鬚糖大家聽得多,龍鬚葉究竟係乜?其實佢就係合掌瓜所生出嚟嘅蔓藤,食落清甜爽口,主要係嚟自大陸,上年至喺市場蒲頭咋!
龍鬚葉好粗生,價錢唔貴,一紮大概有一斤重只係五蚊,但因為來貨唔多,所以只有部份菜檔至有出售,我肥師奶最鍾意以蒜茸炒龍鬚葉,非常惹味㗎!
$5/紮部份菜檔有售