亞視《百萬富翁》主持人陳啟泰笑言，若以港幣計，九四年已成為百萬富翁，但至今仍不在百萬美金富豪之列。
陳啟泰形容自己屬保守的投資者：「我第一份工搵三千蚊，幾乎有一半儲起佢，最多用兩成買自己鍾意嘅嘢。呢個係我嘅原則，一直以嚟都係咁。」
九六年他買樓置業，當年成交價三百萬元，月供二萬七千元，佔去月薪一半，可說是他最大的投資。隨着樓按負擔逐步減少，他透露：「我仍然會將七、八成收入投資喺穩陣嘅美國長期債券。再有閒錢先至會買啲藍籌股。絕對唔會買二三線股，怕自己受唔起咁大刺激。」
陳啟泰慶幸自己不是少年得志，成為百萬富翁時已非黃毛小子令他懂得珍惜。「花一百萬話都冇咁易，但要搵一百萬談何容易，應該要有定力用得其所。」
本報記者