蔡安蕎、戴辛尉和樋口明日嘉原來私底下老友鬼鬼，日前她們同遊銅鑼灣時，蔡安蕎與戴辛尉便表示二人早於數年前已在台灣結緣，但最好笑的是兩人第一次見面，就瞓埋同一張床。
蔡安蕎和戴辛尉說：「嗰時我哋都係簽畀台灣嘅BMG唱片，之前我哋唔識嘅，係有次我哋喺台灣做嘢，公司安排我哋住埋同一間房，但就只得一張床，大家第一次見面就一齊瞓，真係好搞笑。」經過該次同床共寢後，二人就成為好友。
後來蔡安蕎和戴辛尉回港發展，蔡安蕎簽約成龍的JCGroup，與同公司的樋口明日嘉十分投契，自此她們便三人行，樋口說：「佢哋兩個都成日照顧我，係我喺香港最好嘅朋友。」
採訪：朱芷瑩 攝影：仇志德
服裝提供：Bahause
髮型：WHYB.ANDbyVicKwan（蔡安蕎、樋口明日嘉）、KENQIbyKenNg（戴辛尉）