為爭取更高嘅市場佔有率，平治將會喺未來六個月嘅時間內，推出一款以同廠Sprinter所開發出嚟嘅新巴士；當中又分為可接載32名乘客嘅市內巴士，兼備有低地台配搭，方便乘客上落車，另外又備有可用以接載18或21名乘客嘅旅遊巴士款式，以迎合不同用家嘅要求。同時，新車會配用由平治自行製造嘅車身，內部裝飾及陳設亦會與現有Sprinter巴士相類似；當中旅遊巴士型號嘅車廂空間來得十分充裕，從而讓車上乘客能擁有一個舒適嘅乘車環境。
而一台5汽缸CDI引擎，可為其提供達156匹嘅馬力輸出，配合埋5前速手動波箱，因而令新車可有更出色嘅性能表現；另外新車更備有駕駛席安全氣袋，以及ABS、ASR等電子系統，以保障車上乘客嘅安全。