九十五年前港大第一棟建築物「本部大樓」，最出名就係古色古香嘅「陸佑堂」同荷花池，所以一般人都慣咗叫呢棟樓做「陸佑堂」，且以為係新加坡華裔富商陸佑以一百萬加幣捐建。原來真正第一個出錢建樓者，係一九一○時波斯商人麼地爵士，佢當時捐咗二十八萬興建本部大樓。麼地重係波斯拜火教信託基金創始人，尖沙嘴嘅麼地道即以佢命名。至於為何後又叫作陸佑堂？原來二次大戰時該大樓曾被炸毀，由陸佑出資復修，故此得名。
拜火教就係金庸小說《倚天屠龍記》中明教嘅前身拜火教。
金庸迷一定記得聖火令同聖女小昭。呢個教派，𠵱家喺香港都有二百幾信徒，多數係教育程度高嘅商人。佢哋信奉以火為代表嘅陽神，原籍波斯（今伊朗），因宗教迫害逃到印度。噚日港大舉行儀式，豎立麼地爵士銅像，以紀念被遺忘了成個世紀的熱心教育人士。
﹙圖﹚拜火教慈善信託基金主席蘇樂夫（左）與港大校長戴義安一起，為本部大樓捐款人麼地爵士銅像主持揭幕禮。 成啟聰攝
傳真︰2623-9278
電郵︰