日前在台灣因涉嫌藏有及服食搖頭丸的蘇永康，昨日從新加坡返港。而在蘇永康離開機場後不久，杜德偉胞兄杜德智亦在機場出現，他透露自己是去接父親機。
杜德智說：「我同康仔最近冇聯絡，佢好好人。」杜德智於九五年曾因藏有大麻而被判罰一百二十小時的社會服務令，問他以過來人身份有甚麼對康仔說時，杜德智無厘頭地說：「佢係唱歌嘅，但冇搵我做運動，佢話我係地獄人魔，塊面太恐怖喎！」
再問杜德智會否以朋友身份開解康仔？他說：「我同佢唔熟㗎，都係見到sayhello咋，我細佬就同佢熟啲！」傳聞圈中人喜食搖頭丸來減壓，杜德智一臉不屑地說：「fing頭丸可以減壓咩？要relax嘅話，去飲茶啦！食丸係乜心態？我唔知康仔有冇咁做喎！」