近排江湖傳到熱烘烘，話中大校長李國章會做問責部長，謎底今個禮拜尾阿董就會揭盅。八方噚日撞到被指做鍾廷耀事件傳話人嘅港大前副校長黃紹倫，真係感慨萬分。
當日路祥安港大、中大兩邊都去接觸，出晒面幫阿董嘅鄭耀宗結果翻身下馬，連累鍾廷耀嘅恩師黃紹倫都要辭去副校長一職。另一邊廂李國章就鬼咁風騷，一句「誰個敢畀中大壓力」，做咗隔岸觀火嘅大贏家。
更諷刺係，𠵱家李國章竟然畀阿董邀請入閣，唔知黃教授心中點諗？黃教授睇嚟已經睇開晒，坦然話，如果李校長做到教育部長都係好事，因為佢對教育肯定好熟悉。佢又有感而發說：「中大要搵個新校長都有排煩！」
佢自己現時專心搞學術，重興致勃勃咁同八方講，研究緊華人商業網絡，睇緊溫州人點解做生意特別叻。
傳真︰2623-9278
電郵︰