平治代理仁孚行，有時突然將旗下車系嘅車價調低，目的多數都係為咗打擊水貨；就好似佢哋旗艦級車系S-Class咁，由最高峯時嘅過百萬，減到88萬起就有交易，真係你都咪話唔吸引。最近佢哋又有新搞作，就係將S320L嘅車價一減再減，其中標準版嘅售價都只係80萬，兼送兩年保養，加加埋埋分分鐘重平過水貨。
但係，據亞Mark最近打聽得知，話代理今次嘅減價行動，其實唔係為咗打擊水貨咁簡單，而係為稍後抵港嘅Facelifted新版S-Class鋪路；如果屬實的話，呢次減價行動都未嘗唔係無道理，皆因如果𠵱家唔清貨的話，又點會有地方去迎接新S-Class抵港呢！