我Apple姐幾時都係擺家庭喺第一位，好似前日父親節，最佳嘅節目就當然係一家人好溫馨咁一齊過啦。好似前日晏晝咁，我同屋企人去咗銅鑼灣時代廣場行街街，然後諗住食埋晚飯先返屋企。 冇薛芷倫份 點知喺人迫人之際，我發現企喺我隔籬嘅就係大生銀行家族成員、Ball后馬薛芷倫老公馬清偉，佢嗰日「一拖三」帶住啲仔女過父親節。 見馬清偉對啲仔女好照顧，我當然好八卦咁睇吓佢老婆馬薛芷倫喺唔喺附近，之前有傳佢兩個已經正式簽紙分居，結果當然係冇阿馬太嘅蹤影啦。