東芝旗下嘅SoraT10可換上八種唔同嘅外殼，包括斑馬紋及格仔等，故有換殼王之稱，大受歡迎。新機SoraT20繼續大玩搶眼外形，全金屬直身機形已經夠吸引，加上三款唔同顏色機殼供選購，頗具吸引力，可惜係新機唔可以換殼，金、銀、淺紅是但揀一隻。SoraT20具有200萬像素CCD感光元件，相片最高解像度為1,600×1,200，全自動機能則以入門級用家為主，最抵死係機身內置文字及圖案輸入功能，可即時將文字或公仔加入相片度，而且重會以另一檔案儲存，唔會覆蓋舊有相片檔案。SoraT20預計售價為40,000日圓（約2,500港元），六月尾推出。
記者：徐影龍
官方網址：