陳冠希（Edison）昨日出席麥當勞的公開活動，與一班小朋友一起畫畫，甚受歡迎。其間Edison表示要成立一個基金會，幫助他最了解的年輕人。
陳冠希（Edison）昨日到大窩口社區中心，出席「麥當勞——飽滿愛心暖萬家」活動，與一班小朋友齊齊畫畫。Edison為配合宣揚家庭重要性的主題，即場畫出自己和家人一家五口在太陽下共聚的情景，至於他和家人最開心的事便是在加拿大野餐。
Edison還應現場小朋友要求，幫他們畫彩虹和花。其間有位小朋友要求他抱抱，Edison即時抱起他合照，十分親切。
Edison謂很想在明年成立一個基金會，他說：「我覺得自己好幸運，所以我覺得應該幫番社會，我重會搵多幾個朋友，但未諗到搵邊個。」
問到基金會會幫助那方面人士，Edison想了想說：「會幫年輕人，因為我比較了解佢哋嘅需要，可以幫佢哋做佢哋想做嘅嘢，例如學音樂。」
前日是父親節，Edison表示母親專誠從加拿大返港，和家人一同慶祝，他說：「好難得可以一家人一齊食飯，但噚晚（即前晚）都有記者跟，都唔明點解。」
而提到謝霆鋒昨日要就涉嫌串謀妨礙司法公正一案上庭，他說：「今日咩？」問他會否致電霆鋒？Edison說：「我會打畀佢，但唔會問關於件案嘅嘢，因為佢有煩惱，我又幫唔到佢，我淨係可以支持佢，或者同佢打麻雀同飲嘢。」
採訪、攝影：陳梅香