負責蘇永康搖頭丸案的台灣檢查官昨日表示，日內將傳召蘇永康和安雅出庭應訊。而蘇永康與太太昨日由新加坡返港，對當日一同被捕的人中有愛滋病帶菌者，康仔稱對方是他不認識的朋友，無綫主持人陳珮珊問他可擔心此病會傳染時，康仔即叫陳「諗清楚個問題先講」。
蘇永康日前在台北TeXound酒吧因涉嫌藏有及服食搖頭丸，而被台灣警方拘捕，上周二他回港後，周三即匆匆赴新加坡岳父岳母家解釋事件。據台灣《中時電子報》報道，蘇永康搖頭丸案件已由台北地檢署指派檢查官翁宏在負責，他昨日表示日內會傳召蘇永康和安雅出庭應訊，必要時亦會向法院申請將二人強制觀察勒戒。
日前台灣方面的驗尿報告證實康仔尿液中有搖頭丸成份，而經過驗血後，更證實與康仔一起被捕的十二人當中，其中一名男子是愛滋病帶菌者。
蘇永康昨日早上約十時，與太太馮麗清（Jane）雙雙到達新加坡機場，乘坐十一時起飛的國泰班機返港。康仔見到記者時表現友善，並與太太企定定讓記者拍照。康仔說：「我唔係想避你哋，我只係唔想騷擾到屋企人，所以唔出街，真係唔好意思，返香港我會同你哋傾幾句嘅。」
下午三時許，康仔推着行李車步出香港機場，見現場有記者影相，康仔即將行李交給助手，然後拖着太太的手。對於同場被捕人士中有一位是愛滋病帶菌者一事，蘇永康說：「喺十一個人之中，我只識得一個人。」
此時，無綫《娛樂大搜查》主持人陳珮珊追問康仔可擔心這個病會傳染，康仔聞言即說：「珮珊，你諗清楚個問題先講啦！」然後康仔又說：「同枱食飯啫！」
問康仔得知此消息時可感愕然？他說：「唔可以用愕然嚟形容，因為係唔相識嘅朋友。」
而對台灣方面的檢驗結果，蘇永康說：「所有嘅消息都唔係法庭傳出嚟嘅，唔係官方出嚟嘅訊息。至於傳召我返台灣嘅消息，我亦未收到過任何通知，工作上我冇需要去台灣，到時發現有需要嘅話，我會過去。我唔會再就呢件事澄清，因為要講嘅嘢已經講晒。
「今次我去新加坡，係想去靜一靜同埋太太想見吓屋企人，因為之前返香港時，大家迫得好緊，所以想搵地方relax吓，我冇迴避記者，第一日去到新加坡，都有當地記者採訪過我，但後來太多記者喺我樓下等，所以同太太去咗另一個地方休息。我要向鄰居講句唔好意思，令到佢哋受到困擾。」
至於有消息指台灣方面有可能利用測謊機替康仔測試，康仔說：「呢啲猜測性嘅問題我就唔答啦，呢件事睇到我嘅朋友比唔係我嘅朋友嘅人多。」
問康仔可擔心之前拍的廣告會被抽起，他說：「擔心一定有，等件事過咗，工作自然番嚟，我遲啲都有嘢拍，但未知幾時開工。呢單新聞出咗之後，我自己還好，媽咪、屋企人聽到就有啲忐忑，唉，蜚短流長。」
記者問蘇太可有為此事擔心，她說：「有啲，屋企人都擔心，但我當然係支持同相信佢啦！」而康仔與太太於下午四時左右返到淺水灣寓所。
採訪：胡比（新加坡）、魯萍（香港）
攝影：馬啟然（新加坡）、陳烱威（香港）