「忘己之為大 無私之謂公」，在中國報業史上，唯一有一百年歷史嘅《大公報》，其「大公」兩字原來係咁解。呢個權威解釋係一百年前，大公報創辦人英斂之喺天津創刊號上一錘定音。
百年間，《大公報》記者見證了巴黎和會、紅軍長征、二次世界大戰……抗戰時，因為拒絕日軍管治同新聞檢查而自動停刊，後來在港復刊，見證日本投降。寫出經典報道《落日》的該報名記者朱啟平說過：「一筆在手，心中要有億萬人民。」
八方昨日捧讀出紙二十八叠五十五張半、成吋厚之《大公報》百年紀念版，有少少感觸。今時今日，唔知重有幾多份報紙真真正正為人民喉舌；而一大版一大版賀稿，許多不大不公，旨在宣傳。即如劉長樂之鳳凰衛視，放足十八個主持人照片在賀詞之下；陳復生更畀面，刊登跨版對頁賀稿，但最顯眼的係自己張相。
﹙圖﹚《大公報》百年紀念版成吋厚，唔少賀稿，旨在宣傳居多。
傳真︰2623-9278
電郵︰