呢排除咗荔枝大造之外，另一夏日水果西瓜亦相當抵食，大大個嘅西瓜兩、三蚊磅，就連以往要十幾蚊個嘅台灣黑美人，今年亦大平賣，對上一個月大概十二三個，最近我行經果檔重以為睇錯，九至十蚊個黑美人！我哋成家人都鍾意食西瓜，見到咁平我都即刻入定兩個。
$9?10/個
將軍澳厚德街市
夏天呢個六月的時分係黑䱽當造嘅季節，所以可以見到比較多呢種魚。雖然䱽魚中以鷹䱽最靚最好食，但黑䱽對身體都好有益，尤其是有痛風的人，而且黑䱽雖然唔算肥，但含有高比例的魚油，對小朋友腦部發展有益，我鍾意用紅燒又或者糖醋做法整黑䱽畀我啲仔女食。
約$22/斤
各大魚檔有售
蒜心帶有少量辛辣味，有刺激胃液分泌，促進食慾功效，當我啲仔女無胃口食嘢，我就會炮製蒜心嘅菜式畀佢哋食，果然有效，佢哋重不知幾開胃。
蒜心初夏就開始上市，通常一紮紮，每紮大約半斤重。配以蒜茸炒就最惹味，清甜又夠爽脆，仔女食到舔舔脷。
$6?6.5/紮
各大菜檔有售
好多人食橙時都不太鍾意用刀切，反而覺得用開橙刀會更方便和乾淨。但開橙刀來來去去都不外是一把膠刀都有啲悶。但呢個雀仔開橙刀不但止外形精緻，而且重好實用。
雀仔頭是較尖利的膠刀，用來把橙皮𠝹開，而雀仔尾則用來把橙皮挑起。平日用不着的話則可以把雀仔開橙刀當裝飾。
$10/把
銷售點：吉之島