28歲，正是事業上的奮鬥階段、人生的黃金時間，不少人都希望一嘗當老闆的滋味，可惜香港租貴、人工貴，想創業實在談何容易。不過同樣是28歲的香港人郭先生卻以33萬人民幣與朋友跑到番禺開港式茶餐廳，由開業初期不被食客接受，到三個月後已有盈利，當中面對的困難，或許可以成為你北上創業的借鏡！
記者：劉耀
攝影：陳智
28歲的郭先生，只有中二學歷，14歲在大牌檔當學徒，18歲就已嘗做老闆的滋味，在鰂魚涌開設小型雲吞麵檔，可惜開業兩年所賺不多，遂結業回復打工仔身份。
「當時去咗間會所做廚房，由中餐做到西餐，再轉去扒房、CoffeeShop，甚至意大利菜都做過，眼見身邊太多與自己差不多背景的人，加上自己學歷又不高，要出頭就惟有靠創業。」
於是，郭先生在會所工作七年後，便拿着公積金與積蓄，跑到番禺以7萬5蚊人民幣頂手費，頂了間舊餐廳，再將之改為港式茶餐廳，免除了申請牌照的麻煩。「開茶餐廳係我嘅夢想，喺香港冇一百幾十萬都唔使諗，要實現就惟有喺大陸開，皆因內地無論人工、材料及舖租都比香港平一大截！」於是，「駿發天香美食店」就此誕生！
「喺番禺開港式茶餐廳全因一次旅行時覺得呢個地方有得做，所以就選擇番禺。」吸取上次開雲吞麵檔經驗，第二次創業自然較第一次更有心得。「揀舖位最緊要睇人流，呢度位處市橋西麗路，面對華僑城等幾個大型屋苑，人流有保證。而且附近又冇同類型食肆，要食嘢時就自然諗起我，而且最好門口可以停車，方便顧客。不過做食肆不能單打獨鬥，左鄰右里最好都係其他類型食肆，做到好似食街咁，幫襯嘅人自然更多。」
頂手須知
由於餐廳持牌人為內地居民，所以香港人接手前要留意以下事項：
1.牌照是否齊全：需查清楚上一手如營業執照、消防證等批文
2.財務是否完善：財務資產等有沒有問題
3.上手有否欠租：若舖位是轉租，須與業主重新簽約及查清楚舊業主有否欠租
雖然擁有創業經驗，不過內地與香港的法則及生意方式亦大大不同，就算老貓也有燒鬚的時候。「喺內地開舖最緊要Check清楚價錢，好似最初裝修師傅話要10萬蚊，整度門又要千幾蚊，做個卡位又要千幾；但後來我至發現5萬蚊就可以乜都搞掂晒，所以最後同師傅講掂數以8萬蚊埋單，其他器具如雪櫃、廚具等亦要留意，最好預先格價。」
不過除裝修呃錢外，內地不法之徒亦會巧立名目，借故混水摸魚。「之後又有人冒認消防隊長，話要做消防設備，於是喺人生路不熟嘅情況下，俾佢呃咗3萬幾蚊。」
其實裝修呃錢或冒認政府機關人員斂財已時有所聞，不過更過份連食物亦有真假之分。「內地食品有真貨與假貨之分，不論奶、豉油、味精，甚至生油等等，都會有假貨出現，而且單從外表上很難分辨，所以訂貨時特別聲明要真貨，否則就會畀假貨你。」
由於開宗明義走港式茶餐廳路線，所以店舖從裝修格局至器具擺設都努力營造港式茶餐廳氣氛，加上附近只有其獨家港式茶餐廳，理應客似雲來。
「原來本地人對港式奶茶、咖啡等味道不太接受，加上他們覺得10蚊一碟飯都貴，所以開業頭3個月仍然處於蝕本階段。」所謂「窮則變、變則通」，郭先生知道問題所在後，馬上改變經營方式。
「首先就係要本地人接受奶茶及咖啡陣味，所以當時就推出送茶送啡行動，每次叫飯都會送奶茶或咖啡，務求令他們飲上癮。」而且郭先生亦加強宣傳，特別印製附店舖名字的紙巾於附近街道派發。
憑多年在會所工作的經驗，郭先生了解到顧客服務的重要性，所以對員工要求亦相對嚴謹。「在開業初期所有事情都要親力親為，亦以身作則對員工作出教導，令佢哋明白港式茶餐廳應該是甚麼樣子。」於是郭先生就由廚房、水吧以及麵檔等不同位置逐一做起。「特別係樓面侍應的服務態度，除基本禮貌外，如何招呼客人亦相當重要。」
走港式茶餐廳路線，單靠奶茶咖啡當然並不足夠。「除奶茶咖啡之外，一般茶餐廳的食品我哋都有供應，例如粥、粉、麵、飯等，而且都會幫食物影晒相，貼上當眼處畀顧客揀。材料方面，除本地供應外，亦會從廣州及香港等地入貨，例如公仔麵就是由香港運來，務求連菜式都能給顧客有香港茶餐廳的感覺。」
駿發天香美食店開業本錢
投資日期：2001年10月
頂手費 ?75,000
租金（約1,000呎） ?18,000（連兩個月按金）
裝修 ?120,000
入貨 ?40,000
人工（共12名） ?17,000
雜費 ?9,000
宿舍 ?2,000
流動資金 ?50,000
總投資額 ?331,000
首月虧蝕 約?10,000
每月平均營業額 ?65,000-?75,000
每月平均盈利 ?20,000
申請牌照
如果要在大陸開茶餐廳，而又非頂手的話，一般須領有：
1.消防牌照
2.衞生證
3.工商營業執照
4.稅務證
5.員工健康證
廣州市工商行政管理局番禺分局
電話：（20）84621526
網址：
聯絡我們
面對香港經濟不景，裁員不停，失業率持續上升，香港經濟逐步轉型，人人北望。「北上創業」版訪問一些香港人在內地成功創業的例子，如閣下是其中一分子，又願意將你的經驗跟讀者分享，請聯絡我們。來信請寄將軍澳工業邨西駿盈街八號《蘋果日報》副刊「北上創業」版收或傳真：27420542。請附聯絡電話。