早前提及過嘅三菱AirtrekTurbo版，經已響今個月10日正式登場喇！新車除改用上一台跟LancerEvo.ⅦGT-A一樣嘅4G632.0公升Turbo偈（馬力240匹）外，原來佢重有好多改動㗎！
當中，AirtrekTurbo除備有全新頭冚生風入口、新聚焦頭燈及霧燈組合外，重有新款16吋跑車合金軨連215/60R16輪胎組合；再者，四輪懸掛及制動煞車碟，亦改用上強化配搭呢！務求令呢部高性能SUV，可有至佳嘅操控同收放自如感嘛！至於車廂鋪排方面，全新雙色麖皮座椅配搭，椅背重刻有Airtrek字樣以資識別外，一套5前速半自動波箱，另外重附有軚盤+/-按鍵㖭，相信遲吓部車於7月由代理引入的話，定會惹來不少迴響呢！