以往「舊事頭婆」（英女皇）生日，香港有假放，又會有人受勳；𠵱家冇假放，受勳嘅人都成為罕有動物。不過，香港渣打銀行前度揸弗人戴維思剛喺英國獲頒CBE勳銜，總算同香港人有關。
戴維思去年底擢升為英國渣打銀行集團行政總裁，今次可算係雙喜臨門，據悉係英國想表揚佢對金融服務及香港嘅貢獻。
戴維思喺香港工作十多年，現時雖身在倫敦，佢早前回港時同八方話，好緬懷喺香港工作嘅日子，年初重抽空返港跑渣打馬拉松，點解咁掛住香港？佢話有兩個原因:第一係香江美食，重有就係本港有令佢難忘嘅傳媒。咁識做人，抵你威嘅。
傳真︰2623-9278
電郵︰