每年阿怡都沒把父親節放在心裏，但今年的父親節她永遠不會忘記。「我唔會忘記阿爸同阿媽寧願自首坐監，等我同兩個弟弟攞到身份證同出世紙，可以光明磊落喺香港過日子。」阿怡的無證父母鄧氏夫婦，在港匿藏二十二年後，近日為了讓三名在港出生子女獲得居港權，毅然向當局自首，被判監十個月。
十八歲的阿怡昨日帶備日用品及父親最愛的書本，先探望在大欖女子監獄服刑的母親，再趕到荔枝角羈留所探望父親。其間將兩名八歲的孖生幼弟，暫時交託社區組織協會找人幫忙照顧。
「見到阿爸，佢唔停嘴問我同兩個弟弟點，屋企啲嘢搞唔搞得掂。又問阿媽喺大欖服刑辛唔辛苦。叫我冇錢交租，都想辦法頂住先，怕我搬屋搞唔掂，等佢同阿媽坐完監再算。」
反而母親對她說，若真的負擔不了昂貴的租金，不如考慮搬家。
阿怡坦承，平日對嚴父的管教多不理不睬，但眼見父母在監獄內仍對自己和弟弟關懷不已，心裏有說不出的感動。「我真係好想有架相機，可以同兩個弟弟影啲相，探監嗰陣畀啲相阿爸同阿媽睇，等佢哋安心啲。」可惜三姊弟全副家當只有二千元，還欠租三個月。
阿怡現時正與協助她一家的社區組織協會商討，希望向入境處爭取容許父母刑滿後可酌情留港。「好想佢哋快啲返嚟，一家團聚，開開心心咁過生活。」
本報記者