日籍女星樋口明日嘉轉眼已在香港發展了四年，她由當初言語不通，到今日能識聽識講廣東話，當中她花了不少心機，特地跟隨老師苦練一年廣東話。
樋口表示來港四年以來，雖然發展普通，但她卻表示從未後悔離鄉別井，她說：「我都好鍾意香港，嚟咗咁耐都冇諗過返去，我好難再返日本從頭發展㗎啦。日本啲藝人十二、三歲就出道，好細個㗎咋，所以我會留喺香港努力做嘢，不過我嘅家人全部都喺大阪住，好多時我都好掛住佢哋，惟有靠講電話聯絡，但係啲長途電話費就好貴。」
樋口日前已起程返回老家休息，約至月尾才返港，此行她除與家人共敍天倫樂外，更可與其日籍男友會面，一解相思之苦。
採訪：朱芷瑩
攝影：仇志德
服裝提供：Bahause
髮型：WHYB.ANDbyVicKwan