咪以為做爸爸喺父親節就可以好歎，昨日就有唔少議員都要如常工作，白鴿黨黃成智要開記者會，民建聯曾鈺成、葉國謙等就要喺街頭搞「父親減壓站」，大熱天時都幾辛苦。八方謹祝各政界爸爸父親節快樂，過埋下個禮拜，要加入董家班嘅精英相信就更辛苦啦。
其中一個非池中物嘅就係曾鈺成，佢昨晚就約埋阿爸、阿女同老婆，三代同堂一齊食飯。曾鈺成笑言已買咗一條呔送給父親，但願女兒會送他一份有啲驚喜嘅禮物。講開女兒，葉國謙話澳洲個女打電話返嚟，話夾親手指，要照X光，聽到寶貝女受傷，葉國謙梗係大叫心痛。
至於白鴿黨鄭家富，佢兩個女都畫咗張卡畀佢，搞到佢甜到入心。李華明就連踩兩場，為粵曲表演做主禮嘉賓之餘，又同街坊食飯，過咗一個忙碌嘅父親節。
（圖）曾鈺成摶命向前，十五秒踩咗一百七十米，成績唔錯，終於捱出頭來囉！ 張志華攝
傳真︰2623-9278
電郵︰