徐子淇和黃寶瑤昨日在奧海城演出「米奇開心派對」時裝show，二人的父親皆有往捧場。徐子淇表示她與胞妹合力炮製蛋糕送給父親賀父親節，而她更高興地表示自己大學考試合格，順利升讀二年班。
徐子淇、黃寶瑤、Rosemary、陳嘉容和歐陽妙芝等人，昨日齊往奧海城出席「米奇開心派對」活動行天橋，其中徐子淇及黃寶瑤的父親更親臨捧女兒場，待演出後一起慶祝父親節。
徐子淇表示昨日是父親節外，又是其父的舊曆生日及外婆的七十九歲生日，她為表孝心，與妹妹合力做了一個蛋糕送給父親，她說：「我重有一份好好嘅禮物送畀爸爸，就係啱啱接到大學通知，話我四科考試都合格，可以順利升上二年班。」
徐子淇又高興地表示覺得父母對她愈來愈信任，她說：「以前媽咪唔准我去夜街，要好似灰姑娘咁十二點前返屋企，但係𠵱家我同朋友玩到深夜，佢哋都批准，我重試過去蘭桂坊蒲㖭。
「媽咪又教我同啲朋友出去玩小心啲就得啦，佢揸住份報紙同我開家庭會議，嗰篇報道係有關最近有種強姦藥係冇色冇味嘅，媽咪教我如果出去飲嘢嘅時候，唔好飲人哋請嘅飲品，一定要自己買，或者要飲罐裝飲品，如果一離開位之後返嚟，嗰杯飲品就唔好飲啦。」
另外，曾與郭富城合作拍廣告的黃寶瑤，昨日她的父親及五歲的妹妹亦有出席活動捧她場，黃寶瑤說：「我爹哋係一個好開通嘅人，佢唔惡，又支持我喺幕前發展。父親節我已經準備咗份禮物送畀爹哋，就係一個相架，然後再擺自己張相入去。」
採訪:DebbieLum、JessicaNgan
攝影:WongManShing、EdwardChou