賓利繼推出ArnageT後，較早前又宣布推出全新GTCoupe跑車，此車不但擁有極具流線型嘅車體設計外，一台6.0公升W12Twin-turbocharged引擎所迸發出嘅500匹馬力，更教人為之驚訝。
從廠方最新公布嘅相片中可以睇到，全新GTCoupe嘅車身線條極具流線型，響四圓頭燈及闊大鬼面罩，同埋大口徑跑車胎軨襯托下，一派高性能跑車形象表露無遺。車廂布局方面，由於新車仍在設計階段，故廠方未有公布有關呢方面嘅詳細資料；但肯定嘅係，其車廂布局除會與其他賓利轎車一樣來得豪華外，兼會帶點跑味㖭。而新車所採用嘅一台6.0公升W12Twin-turbocharged偈，馬力輸出達500匹，配合一套6前速全自動波箱，從而令新車可有更出色嘅性能表現。有興趣嘅車迷，就要留意新車確實推出日期喇！