近嚟多個發展商都計劃起酒店，唔通酒店業前景真係咁好，戴德梁行會響聽日發表報告，話據統計，到05年本港酒店房間會供不應求，酒店極具發展潛力。同時重會講吓住宅樓市嘅前景。
太古同新地搞嘅維景灣畔徵文比賽噚日頒獎，由於冠軍作品內容提及耍太極，司儀透露這位得獎的小作家都識，所以叫佢即場露番一手，似模似樣㗎，唔怪得可以寫呢個題材攞到獎啦！
香港置業置專會響禮拜三舉行「置專深海搜索海鮮宴」，出席嘅包括董事胡日發、陳坤興同30名會員。
噚日係父親節，長實及新世界喺傲雲峰售樓處搞親子棋王大賽，原意是透過遊戲增進父子間的親情。新款的遊戲棋果然吸引不少小朋友玩（圖），但同佢地對弈的卻是發展商請來的靚靚part-time姐姐，父親卻不見蹤影。睇他們玩得咁開心，小朋友昨日與靚姐姐間的感情相信增進不少。
蘭西