女兒預科畢業拋帽感動到喊
好姨兼代父職捱出頭

薛家燕自離婚後，母兼父職養育三名子女。昨日父親節，她帶同子女們出席活動，談到養兒感受及眼見大女兒預科畢業，稍後要到美國升學，她感觸得眼泛淚光。兩母女更互相親吻，場面溫馨感人。

薛家燕（好姨）昨日帶同三名子女，到青衣城出席「可口可樂樂得生活着數2002計劃頒獎禮」活動。昨日適逢父親節，母兼父職的好姨談到如何辛苦養大三名子女，大女更已預科畢業，準備赴美讀書，她感觸得熱淚盈眶。

設十萬元基金
好姨昨日帶同大女石祐珊出席可口可樂活動，其細女及兒子亦有出席捧場，大會更為祐珊設立十萬元的教育基金，作為她到美國讀書的費用，而祐珊則穿着畢業袍亮相，兩母女互相親吻，場面溫馨。
好姨談到自離婚後，母兼父職養育三名子女的感受，忍不住眼泛淚光，她說：「當初我離婚時都好擔心，唔知點捱大佢哋，𠵱家個大女預科畢業，就嚟去美國讀書，真係好感動。佢遲啲去美國讀書，我請咗十四日假去陪佢㗎。」祐珊稍後更會到新城電台做兼職。

靠寫紙仔溝通
好姨續說：「我去參加個女嘅畢業禮時，佢同班同學仔一齊拋畢業帽，當時我亦感動到喊咗出嚟。」好姨謂她身兼父職，要工作賺錢，平時甚少時間見子女，她說：「我朝早拍劇或者做電台節目，都冇時間照顧佢哋，惟有夜晚先同佢哋傾偈，不過有時我夜返，只可以靠寫紙仔溝通。」
另外，好姨昨午到維園出席「東區慶祝香港特別行政區成立五周年綜合嘉年華會」，演唱《皆大歡喜》主題曲，還有小雪、關心妍及VRF等表演嘉賓。