今季最後一場馬昨日跑完，沙田馬場好熱鬧。八方見到候任部長唐英年同唐媽媽，原來佢哋特意嚟捧阿爸唐翔千第十場隻「艷陽天」。唐部長係馬會董事，八方聽聞佢可能會辭咗呢個職務，專心做官；話雖如此，唐部長咁喜愛賽馬，睇嚟做咗官都一樣會去馬會。
同一場，立法會議員張宇人亦有馬出，而且重跑到第三，開出一條大熱單T，幫馬迷攞個尾彩。
八方又見到「難兄難弟」任志剛同許仕仁，任總雖然有馬出，但唔見佢太座現身沙圈，老許亦一個人，反而哈哈系之馮載祥就兩夫婦一齊企定定。八方捉路，放棄佢兩兄弟隻「有計」，果然無估錯。
（圖）許仕仁同任總現身沙圈。
傳真︰2623-9278
電郵︰