自從喺度介紹過今屆賽事嘅入球上盤抵玩之後，到目前為止成績尚算不俗；今日兩場十六強賽事，可以考慮入球上盤二串一，再補全場入球總數「四至六球」嘅單頭飛。
今日四支對賽球隊，對於部份球迷嚟講，都唔算係心目中太擁護嘅球隊，睇波嘅時候就可能少咗半分投入感，邊隊贏輸都好似唔關自己事，而要揀邊隊可以贏波晉級亦唔容易喎。
呢個時候可以考慮一吓玩「入球盤」，尤其係「入球上盤」，總之就一味想兩隊鬥入波，個個攻門鏡頭都會令你好鬼肉緊，睇波自然投入啲。
早前講過，今屆賽事入球數字都幾高，到目前為止每場平均入球數超過兩球半，睇來「入球上盤」的確值得繼續追捧！
簡單睇番今日四支對賽隊伍嘅入球比率，瑞典喺分組賽場場有入波亦有失波、塞內加爾喺三場分組賽平均每場出現三個入球、西班牙更加喺過去三場都係開「入球上盤」可補愛爾蘭入球率就唔算太高的不足；由此可見，今日兩場波開出「入球上盤」嘅機會都幾大，可以考慮吓玩二串一過關，中正都有三倍以上分頭㗎！
喺玩「入球上盤」嘅同時，不妨再玩多瓣「全場總入球數」，建議敲兩場波全場總入球數「四至六球」，雖然好似幾「冒險」，但係分頭有三、四倍，可以當補番兩場單頭飛。 文：華度