日本豐田車廠喺嚟緊嘅10月，將會喺中國天津生產一款全新嘅1.5公升級家庭房車；而呢款新車嘅原型車，重喺最近舉行嘅中國北京車展中亮相㖭。
新車嘅造型設計極具吸引力，當中一組低斜嘅頭燈組合，襯以闊大鬼面罩，就最能將呢個特點展露出來；而流線型車體設計，更令新車嘅風阻系數，錄得Cd0.29嘅極低數值㖭。至於車廂方面，不僅空間來得寬敞舒適，兼且重備有真皮座椅及桃木裝飾，豪邁之感盡在不言中；另外重備有一套中文語音嘅導航系統，從而為用家帶來不少方便㗎。然而，呢部T-1將會配用一台1.5公升引擎，雖然廠方未有公布其動力輸出數值，但一般相信會與現有Corolla相近。有興趣嘅車迷，就不妨拭目以待喇。