一年一度端陽佳節，龍舟競渡當然不可少，話說證券界一班老外原來都好此道。據聞今年荷銀、高盛同摩根士丹利等外資證券行都有參賽。八方昨日喺赤柱睇龍舟，見到一班着住黑色、背面大大隻字寫住「大摩」二字T恤的健兒，唔使問都知係摩根士丹利的代表，估唔到佢哋對「大摩」呢個暱稱咁受落。可惜佢哋喺銀碟賽得第五名，而李錦記就攞咗個冠軍。
大摩每年都藉龍舟賽籌款，員工捐一蚊，公司就贊助一蚊，過去兩年合共籌咗一百萬元，而去年籌得嘅六十萬元已捐咗畀伸手助人協會，今年就會捐畀突破機構。
傳真︰2623-9278
電郵︰