與王菲御用形象指導TitiKwan合作投資出版時裝雜誌《Shower》的徐濠縈，衣着品味愈見進步，別樹一格，從做藝人時的totallook名牌打扮，到現在着重mix&match的穿衣哲學，凸顯她的時裝品味，鑽營有道。
與王菲御用形象指導TitiKwan合資出版時裝雜誌《Shower》的徐濠縈（Hilary），成績有目共睹。成為時裝人的Hilary近年的打扮與初出道的少女味道大相逕庭，個人風格愈趨歐陸前衞。
Hilary對於以前的衣着模式有以下見解：「我以前好鍾意買新衫，以前做artist，工作上有需要，成日要買啲signaturepiece，好似TsumoriChisato同MiuMiu，鬥新鬥快，已經覺得贏晒，會好totallook。
「到𠵱家會好抗拒totallook，𠵱家會鍾意啲subtle，選擇襯衫以舒服行先，轉捩點可能同搞二手衫有關，阿Dee（TitiKwan）對我亦有影響，佢住喺歐洲，有自己嘅着衫風格，啲朋友都話我哋嘅風格愈嚟愈似。」
Mix&match是Hilary穿衣的金科玉律，她說：「興啲過季衫再配搭，又可以環保，又令到自己有創意，譬如𠵱家可以一件軍褸已經可以有好多配搭，將啲軍人、牛仔斬件嚟配搭，可以好有創意，又一定唔會撞衫。」
此外，Hilary除會到名店買衫，亦十分享受到二手店尋寶，她說：「𠵱家買衫襯衫會變得多趣味同創意，着衫可以好casual，有時會去一啲專賣二手衫嘅地方，好似Beatniks，每一次都唔會空手而回，價錢又唔貴，又獨一無二。」
徐濠縈表示自己穿衣風格有一定轉變，與投身搞《Shower》雜誌有莫大關係：「𠵱家會建立自己形象，令到我會下啲工夫打扮，唔會好似做藝人咁，化『行』妝，set晒頭做訪問，好似一件商品、紙版公仔咁。
「可能𠵱家有人批評我衣着異於常人，好似有一次我着咗件MarjanPejoski天鵝衫，俾人寫到我着咗件企鵝衫，有人會話我着得怪，但我寧願話我型多過靚，好似我今日自己化妝，會反而活生生，好『徐濠縈』。」
她表示現在會着重個人主義，就以名模KateMoss為例，去ball的高貴look或者行街被追蹤影到的casual打扮，都有型格。
採訪：RitaLeung
攝影：WongManShing
場地提供：J-01