佘詩曼（阿佘）昨日在電視城古裝街拍攝新劇《帝女花》，劇情講述她因與飾演駙馬爺的馬浚偉（馬仔）分開，所以阿佘傷心落淚。
對於今期《忽然1周》報道指陳浩民向阿佘展開追求，昨日與阿佘同場的馬仔笑說：「我從來冇見過陳浩民嚟接阿佘，我都有揸車送過阿佘返屋企啦，好在傳佢（陳浩民）啫。」
當阿佘拍竣落淚戲後，馬仔即上前取笑她：「你有個駙馬爺唔要，揀隻馬騮仔（指陳浩民）。」阿佘卻一頭霧水地說：「乜嘢呀？」其後記者告訴她與陳浩民緋聞的報道，阿佘才無奈地說：「嗰日我哋係去攞啲贊助服裝咋，我就嚟冇晒朋友㗎啦，放過我啦，我要快啲搵個男朋友出嚟頂住至得，我連搵周公都冇時間呀，所以我已經同公司申請放假一個月，等我拍完呢套劇，就返美國休息，同埋陪吓家人。」
採訪、攝影：卓美娟