老董問責制班子名單要下星期出籠,但係已經有唔少人名漏咗出街,最令人震驚就莫過於著名眼科醫生何志平入閣嘅消息。話說何醫生個名曝光之後,竟然引起文化、體育界一陣騷動,有文化界老友同八方講,何醫生坐正做民政局長,怕且第一個「劈炮」就係老董另一位老友──文委會主席張信剛;至於一直同何醫生唔咬弦嘅文化界,就肯定更加團結,唔係點同佢砌過!
至於體育界方面,話說有體育界大佬正計劃游說港協會長霍震霆出面,同阿董生講講搵第二個人做民政個位得唔得!
不過有知情人士同八方講,何醫生背後除咗有位靚太座之外,重有位後台硬淨的李祖澤支持,最後發展成點真係冇人知!
(圖)何志平與妻子胡慧中。
傳真︰2623-9278
電郵︰