呢排世界盃成為港人嘅熱門話題，尤其是法國同阿根廷兩大熱門齊齊出局，更加令人意外，不少非歐洲球隊表現都令人刮目相看。究竟最終世盃花落誰家，都很難估計。不過，八方收到一個朋友嘅e-mail，佢話搵到條程式計算今年冠軍誰屬？
佢話巴西上次攞世界盃係1994，對上一次是1970，兩個年份加埋係3964；阿根廷上次攞冠軍係1986，再之前係1978，加埋都係3964；最神奇係德國上次攞係1990，之前一次就係1974，加埋又係3964。
因此，佢話將3964減咗2002之後，嗰年攞冠軍嘅國家，今年又會攞。咁答案係邊個？就係1962年嘅冠軍──巴西。信不信由你。
傳真︰2623-9278
電郵︰